პროექტით სწავლება - ტრენინგის მესამე დღე

დღეს ძალიან ბევრი რამე ვისწავლეთ. ტრენინგის მონაწილეებმა განვიხილეთ ერთმანეთის ბროშურები. შევავსეთ პროექტის გეგმაში სტანდარტები და ინდიკატორები ( ეროვნული სასწავლო გეგმის მიხედვით) , ასევე 21-ე საუკუნის უნარ-ჩვევები. გავეცანით სტანდარტებისა და მიზნების რუბრიკას, ნაწილობრივ შევავსეთ სასწავლო მიზნების ცხრილი, განვიხილეთ ბლუმის ტაქსონომიის განახლებული ცხრილი. ვისაუბრეთ მიმართულების მიმცემ კითხვებზე. ვისწავლე google-drive-ში დოკუმენტების ატვირთვა, გაზიარება. . . . მოკლედ დღეს ბევრი  საინტერესო რამ გავიგე.
დავალება- პროექტის გეგმაში ჩამოვაყალიბოთ ზოგადი, თემატური და შინაარსობრივი კითხვები.

პროექტით სწავლება - ტრენინგის მეორე დღე

ტრენინგის მეორე დღე უფრო საინტერესო აღმოჩნდა. კიდევ ერთხელ გავიაზრე პროექტზე დაფუძნებული სწავლის უპირატესობანი. ეს მეთოდი მოსწავლეებს საშუალებას აძლევს შეიძინონ ცოდნა, უნარ-ჩვევები სიღრმისეული დავალებების შესრულებისას, მოსწავლეები მეტ პასუხისმგებლობას იღებენ თავიანთი სწავლის პროცესზე, მათ უვითარდებათ პრობლემის გადაჭრის, თანამშრომლობის, კომუნიკაციის და უამრავი დადებითი უნარ-ჩვევები.
ტრენინგის მონაწილეებთან ერთად განვიხილეთ საკუთარი პროექტის იდეები. შევავსეთ პროექტის გეგმა ნაწილობრივ, რას უნდა მივაქციოთ ყურადღება პროექტის განხორციელების ეტაპებზე. მოვიძიეთ ცოტაოდენი ინფორმაცია საკუთარ პროექტებზე.
გავეცანით ბლოკ-სქემას, რომელიც კარგად ასახავს სასწავლო ღონისძიებების დაგეგმვის პროცესს, ასევე განვიხილეთ როგორ უნდა დავგეგმოთ სასწავლო ღონისძიებები და ჩამოვაყალიბოთ პროექტის სასწავლო მიზნები- განვსაზღვროთ კონკრეტული სასწავლო მიზნები საგნობრივი სტანდარტიდან გამომდინარე, გავითვალისწინოთ 21-ე საუკუნის უნარ-ჩვევები, რათა მოსწავლეები ძირითად თემებს გაეცნონ სიღრმისეულად, შემდეგ ჩამოვაყალიბოთ საკვანძო კითხვები, რომელთა დახმარებითაც მოსწავლეები გაიაზრებენ საკვანძო იდეებს. აუცილებლა უნდა დაიგეგმოს შეფასების გეგმა.
გავეცანით პროექტის მახასიათებლების ჩეკლისტს.
განვიხილეთ ბუკლეტების დამზადების  საშუალებები.
საშინაო დავალება: ბუკლეტის დამზადება საკუთარი პროექტის ირგვლივ.

პროექტით სწავლება - ტრენინგის პირველი დღე

ტრენინგის პირველ დღეს წარიმართა ძალზედ საინტერესოდ,
განვიხილეთ სხვადასხვა საკითხები, გავეცანით პროექტის შექმნის გეგმას, შევქმენით პროექტის პორტფოლიოს საქაღალდე. გავეცანით სხვადასხვა რესურსებს, როგორიცაა პორტფოლიოს ჩეკლისტი, პროექტის გეგმის შაბლონი.